راديوهيد
دقيقة قراءة

بحب الويبدة
بس مش وبداوي
بحب اتشل
بس ما بتشل
عندي هيك خلل
بأعصابي
بتركيز مستقبلات السيروتونين
ببروتين غابا عندي عالي
فش تيارات بالميمبرين
بحب الناس السليمة
بعوينها بشوف ناس عاشوا حياة طبيعية
بحب كيف كلشي قديم
بخليني أستعير ماضي
كيف الناس مبسوطة قدامي
الغيوم غزت الصيف
عمان لونها رمادي وكئيب
بحب كيف بكل مكان أنا دخيل
بحب راديوهيد
بس بنسى أعيش
مركز على أهدافي المستحيلة
بستمتع بالحلم
هيك وأنا نص صاحي
قبل دقائق من الدوام
بس أحلم بكلشي
مستحيل
بحب عمان
بحب البس الي بوكل كيس بقايا المقلوبة
على درج الخيام
بحب الهوا وراديو هيد
بحب أنسى
وأنام
رمز هذا النص
امسحه بكاميرا الهاتف لفتح النص.
https://crow.twinwin.online/ar/writings/writing-48
تنزيل الرمز