انتقل إلى المحتوى
الغرابكاتب

إعدادات القراءة

اضبط الموقع ليناسب عينيك. تُحفظ اختياراتك على هذا الجهاز.

لغة الواجهة

المظهر
خط القراءة
حجم النص
تباعد الأسطر
عرض عمود القراءة
إتاحة

كتابات الفوضى

عن كل شيء

دقيقتا قراءة

بجوز

حكيت كثير

لأني سكت كثير

بعتذر

كنت بستنى ثلاث سنين

بس أخلص توجيهي فاهم

أخلص جامعة

ينزل الراتب

يجي الجمعة

بس أحط راسي علمخدة فاهم

فاهم

سكتت كثير

فحشرّت

صرت

هوا طنجرة ضغط

بتفكر ببرومس رنغ

وأنا بفكر بتنك ميّ

بتفكر تشوف السلاحف

بس تسافر

وبفكر كيف بس أموت عروسيا

أهاجر

القضية فهد

بحب الناس

بس بقدرلهمش

بعرفش شو بصير لي

ليفترة طويلة أوي

مش بعرعفش أكون حالي

يا غالي

فهد

كل محكالي

بزبطش مع الناس بزبطش

بهرب بس اشوف ازدحام

والحياة كلها

ازدخام

استطدام

رغباتي بحالتي

اليوم صاحي مشرق

ببلش الشفت

بتغرب

كيف

بعرفش

اكشتفت انه عندي ميول

للحزن

بعرفش كيف بكون لازم أفرح

بس بفرحش

بشتغل وباقي اليوم هاي

مش بحكيلك عن البنت هاي

قصدي عن هاي

هاي

هسا بحكي معك انفصامي

خايف أصير أبوي

فبصير

يبوي

بحكي لحالي سيبك من التهيؤات

انك تصير خرية كبيرة

و تعيد

فات

الجنة بصبونة وزحلق

كان نفسه يصير اشي

وصار مستهلك

ليجيب مصاري ويستهلك

مسهلك تتجوزي غني

سيبك من حبك الفقير

لأنه دائما هيك بصير

الانثى بتحلم

والشب اشي ثاني بصير

يا خاين يا بصير

مش هيك

مش بايدك

الناس كلها بالنسبة لك

الهة بس ما بتطير

فشو بصير

بتحسش اتجاههم

ببصيص

يا خسيس

مش عشانك مدعوس عليك

تصير لعوب

مدفون

جوهر نصه راقي

ونصه دواوين

بعيش القصة المبتذلة

حياتك فيلم بدون فيلم

بخاف بعد ما أموت ينسوني بسرعة

أعطوني اشي البسه وألحق

باص الاعتراف

الأضواء

بعد ما عشت

ظلام

مش هخلص

لا عحالي ولا الرواي

بس بعيد حالي

كل يوم كلشي نفسه

بس بغير الكلسون

فكرت هو السبب

طلع مش هو

أنا السبب

لا الشغل

لا الفقر

لا النباتات

ولا الكحول

اذا مش صاحي على القليل بتلاقيني

مسطول

لأني مش عارف أخوض الحياة زي مهي

هيك

يا ريت بعرف أكتب

بطريقة فيك

أكون فيها انا الشخص المبسوط

بس مش هيك بحكو الحمار بده برسيم لعيش

والكاتب اذا مش بالألم بعرفش يعيش.

رمز هذا النص

امسحه بكاميرا الهاتف لفتح النص.

https://crow.twinwin.online/ar/writings/writing-49

تنزيل الرمز